ابليس ناوي يهج عن السعوديــــــــــه
ابليس يصف الوضع والحاله في البلاد
كان ابليس في غرفته يلملم أغراضه وملابسه في حقيبه الى جانب باقي متعلقاته _
على المنضده القريبه كانت استقالته موقعه ومختومه حسب الاصول
وبجوارها تذكرة سفره الى جزر برمودا الديمقراطيه
كانت ملامح وجهه في تلك اللحظات تنطق بالحزن
والكابـــــــه
والاحبــــاط
واليـــــــاس
وقلة الحيله
مع دهشة مزمنه أرتسمت عليه منذ فتره ليست بالقريبه
ابليس راحل عن بلادنا الى غير رجعه _ _
وبادرته بالسئوال :
ويــــــــن يامسهــــل _ ؟؟؟
ليش تجمع اغراضك _ ؟؟؟
قـــــــال :
يارجال مالي قعده عندكم صارلي سنين عاطل عن العمل
وقربت أموت من الجوع
لاكن : معك سيجاره _ ؟؟؟
عطيته سيجاره وعمر لين مخمخ وقال :
_ كنت من زمان أوسوس للأم تترك ولدها يبكي لين يدوخ
والحين صارن لحالهن يرمن عيالهن يبكون وفوق هذا
يضربنهم وهم صغار لين يموتون
_ كنت اوسوس للشاب أنه يرميله كلمه على بنت وهي ماشيه بالشارع
والحين صارن البنات يرمون للشباب كلام أنا استحي اقوله
_ كنت اوسوس بين الناس واخرب بيوتهم
والحين صاروا الناس يوسوسون بين بعضهم لدرجة أنهم غطوا علي
_ كنت اوسوس للشباب بين بعضهم علشان يتمشكلون ويتذابحون
والحين على أتفه الاسباب ذابح ومذبوح
_ كنت اوسوس للبنات تروح مع السواق لحالها
والحين صارت هي تسوق السياره وتروح للسوق بدون سواق
_ كنت اوسوس للشباب مايسمعون كلام المطوع
والحين صارت المطاوعه ماتسمع كلام بعض
_ كنت اوسوس للشباب مايروحون للصلاه بالمسجد
والحين صار المسجد بجنب البيت ولايصلون لا بالبيت ولا بالمسجد
_ كنت اوسوس للبنات تاخذ جوال كاميرا
والحين صارن البنات معاهن لاب توب وماسنجر وبلاك بيري وكل شي
_ كنت _ وكنت _ وكنت
تغير الحال وتغير الوضع
يقول ابليس :
(( صار عندكم فائض فساد يكفي 50 سنه قدام ))
صرت اوسوس بالمقلوب
_ اقول للمسئول ارحم
_ وللحرامي يكفي _ خلي شوي للحراميه اللي جايين بعدك
(( يعني اذا أنتوا لحالكم ماشاءالله تسوون كل هذي البلاوي ))
أنا أبليس وش أسوي _ ؟؟
وش أشتغـــــــــــــــل _ ؟؟
_ وأخذ أغراضه وسافر أبليس ذهاب بدون رجعه _